ငြိမ်းချမ်းရေး ဦးအောင်မင်း နဲ့ စနစ်က လုပ်ထားတာပါဗျာ

၂၀၁၃ ခုနှစ် မတ်လ ၂ ရက် တောင်သူလယ်သမားနေ့က UMFCCI မှာ ငြိမ်းချမ်းရေးစင်တာ (Myanmar Peace Center) ကျင်းပပြုလုပ်တဲ့ Peace Building and Myanmar Transaction ဆိုတဲ့ပွဲကို သွားခဲ့တယ်။ ပညာရှင်များအဖြစ် ဒေါက်တာကျော်ရင်လှိုင်၊ ဒေါက်တာမင်းဇော်ဦး၊ ဦးအောင်နိုင်ဦး၊ ဦးညိုအုန်းမြင့်နဲ့ ဦးသီဟံမျိုးညံ တို့က ဟောပြောကြပါတယ်။ ဟောပြောကြသူ အသီးသီးဟာ ပဋိပက္ခတွေကို လေ့လာထားကြသူတွေ ဖြစ်တဲ့ အပြင် ယခုလက်ရှိ ငြိမ်းချမ်းရေးစင်တာမှာ မြန်မာနိုင်ငံ အကူးအပြောင်းကာလ ငြိမ်းချမ်းမှုတည်ဆောက်ရေး လုပ်ငန်းစဉ်မှာ လုပ်ဆောင်နေကြသူတွေ ဖြစ်လို့ စိတ်ဝင်စားစရာ ကောင်းလှပါတယ်။ ဦးအောင်နိုင်ဦး က ငြိမ်းချမ်းရေး ဆိုတာလေးကို ပန်းချီကားချပ်လေးနဲ့ အဓိပ္ပါယ်ဖွင့်ပြတယ်။ ဒေါက်တာမင်းဇော်ဦးက တော့ နိုင်ငံတကာ အတွေ့အကြုံတွေနဲ့ ယှဉ်ပြီး ယခု ငြိမ်းချမ်းရေးဖြစ်စဉ်အတွက် စိန်ခေါ်ချက်တွေကို တင်ပြခဲ့တယ်။ ဦးညိုအုန်းမြင့်က တော့ အစွဲတွေ စွန့်ပြီး အတူတကွ ဆောင်ရွက်ကြဖို့၊ ဦးသီဟံ ကတော့ ဥပဒေ ရေးရာ ဖက်ကနေ အားလုံးလိုက်နာဆောင်ရွက်ကြဖို့ ပြောဆိုတင်ပြသွားခဲ့တယ်။ ဦးကျော်ရင်လှိုင်ကတော့ လုပ်ဆောင်နေဆဲ လုပ်ငန်းမှာ ကြုံရတာတွေ ခက်ခဲမှုတွေ တင်ပြပြီး လုပ်ငန်းစဉ်သာ ဖြစ်လို့ ကြာမယ်၊ ခက်ခဲမယ်၊ စိတ်ရှည်ရမယ်၊ သည်းခံရမှာတွေ စတဲ့ အတွေ့အကြုံတွေ ပြောပြသွားခဲ့ပါတယ်။

စိတ်ဝင်စားစရာပွဲကို တက်ရောက်သူ သုံးရာကျော်ရှိပြီး သမ္မတရုံးဝန်ကြီး ဦးအောင်မင်း၊ ဦးလှမောင်ရွှေ၊ Myanmar Egress မှာ ဦးတင်မောင်သန်း၊ NCGUB မှာ ဒေါက်တာသောင်းထွန်း၊ သြစတေးလျ မှ ခဏပြန်လာတဲ့ ဆရာကြီး ဒေါက်တာမျိုးညွှန့်တို့ကိုလည်း တွေ့ရပါတယ်။ 

အမေးအဖြေကဏ္ဍ ကတော့ စိတ်ပျက်စရာကောင်းသလို စိတ်ဝင်စားစရာလည်းကောင်းပါတယ်။ ခနဲ့ ချင်သူများ၊ ပညာပြချင်သူများ က စကားပြောခွက်ကို ရယူထားကြပါတယ်။ ပရိတ်သတ်ထဲမှာ ၁၁ ယောက်မေးမြန်းတာကို ဖြေကြားပြီးချိန်မှာ ဒေါက်တာမျိုးညွှန့်၊ ဒေါက်တာ သောင်းထွန်း တို့ကလည်း သုံးသပ်တင်ပြကြပါတယ်။ ပြီးတော့ ဦးအောင်မင်း ပြောပါတယ်။ ကျန်တဲ့သူတွေက အောက်မှာပဲ ပြောတယ်။ သူက စင်ပေါ်တက်လာတယ်။ ၀န်ကြီးမို့ အခွင့်အရေးယူတယ် မထင်ပါနဲ့တဲ့ မျက်နှာကြည့်ပြော မှ အားရလို့ပါတဲ့။ သူက စိန်ပေါလ်ကျောင်းထွက်ပါ.. စိန်ပေါလ်ကျောင်းထွက် တွေက တပ်ထဲဝင်တာနည်းပါတယ်…။  ကျနော်ပဲ မျက်စိလည် လမ်းမှားရောက်သွားတာပါ.. စာချုပ်ချုပ်ပြီးသွားတော့ ပြန်ထွက်လို့မရတော့ဘူး။ ၀င်တဲ့နေ့ကတည်း ဒီနေ့ထိ စိတ်မချမ်းသာ ပါဘူးလို့ပြောတယ်။ ငြိမ်းချမ်းရေးလုပ်ငန်းစဉ်မှာ ကြုံတွေ့ရတာတွေ ပြောသွားတယ်။ ငြိမ်းချမ်းရေး လုပ်ငန်းစဉ်တွေ မလုပ်ခင်တုန်းက တစ်ရက် တစ်ရက်ကို စစ်ဆေးရုံမှာ ခြေထောက် အချောင်းလေးဆယ် ဖြတ်ရတယ်။ သူ အခု လုပ်နေတာမှာ ငြိမ်းချမ်းရေး မရ သေးရင်တောင် ငြိမ်းချမ်းရေးစကား တစ်ရက် ပြောလို့ တစ်ရက် အပစ်ရပ်တယ်ဆိုရင် တစ်ရက် ခြေထောက်လေးဆယ် ဖြတ်ရသက်သာတယ်တဲ့။ ဒါ ကျနော့်ကုသိုလ်ပါလို့ ပြောသွားတယ်။ ဒီလိုနဲ့ အမေးအဖြေကဏ္ဍမှာ မေးခဲ့တဲ့ ၁၀ယောက်က မေးခဲ့တာတွေ ကို မှတ်သားထားပြီး ပြောပြပေးသွားတယ်။ ကောင်လေး တစ်ယောက်က ဇူလိုင် ၁၉ မှာ ဗိုလ်ချုပ်ကြေးရုပ်ကို အလေးပြုမိလို့ ထောင်ကျတယ်ဆိုတော့ ဦးအောင်မင်း က အခု ပြုလို့ရပါတယ်။ ထောင်ကျ တာ စိတ်မကောင်းပါဘူး.. အရင်က စနစ်ကြောင့်ဖြစ်ခဲ့တာပါ. ယခု ကန်တော်ကြီးက ဗိုလ်ချုပ်ကြေးရုပ်က ရေညှိတက်နေတယ်.. ဖယ်ဖို့က ခင်ဗျားတို့တာဝန် လို့ပြောတော့ ပရိတ်သတ်တွေ ၀ိုင်းလက်ခုပ်တီးကြတယ်။ တွေးမိတာကတော့ ဒါကြောင့်လည်း ဦးအောင်မင်းလို့ ဆိုကြတာပေပဲလို့ပါပဲ။

နောက်တစ်ခုက စနစ်က စနစ်ဆိုပြီး စနစ်ကို အပြစ်တင်ကြတယ်။ စနစ်က တော့ ဟုတ်ပါတယ်။ သူတို့ပဲ ဒီစနစ်ကို အသက်သွင်းခဲ့တာပဲ မဟုတ်လားလို့။ ကိုယ်မသိလို့ မေးတာပါ.. မင်းပဲ ဖြေပါ။