21 May 2017

ဘဏ်ငွေစက္ကူ အတုတွေ နဲ့ ကိုယ်တို့နိုင်ငံ

ဒီနှစ် ဧပြီလအကုန်မှာ ကမ်ဘောဇဘဏ်မှာ ပြဿနာတက်လို့ ဘဏ်ကနေ ငွေတွေ ထုတ်ကြတယ်ဖြစ်တယ်။ တယောက်တစနဲ့ ဘဏ်ပဲ ပြိုတော့မလိုဖြစ်လိုက်တယ်။ မဟုတ်ပါဘူး ဝိုင်းရှင်းကြတယ်။ ခုနေ စီးပွားရေး မကောင်းချိန် ပြဿနာ အကြီးအကျယ်တွေ တက်သွားနိုင်တယ် မဟုတ်လား။ ဒီမီနိုအဖက် ဆိုတာနဲ့ ဖြစ်လို့ကတော့ ကိုယ်တို့တွေလည်း နလန်ထူတော့မှာမဟုတ်။ ဒါနဲ့ ဘဏ်ကလည်း လူမှုရေး လုပ်ငန်းတွေအတွက်ကို အလှူတွေ လုပ်ပြတယ်။ အစိုးရပိုင် သတင်းစာက ဆောင်းပါကဏ္ဍမှာတောင် မသိမသာလေး ထည့်ပေးတယ်။ (လူမှုကာကွယ်ရေး အဆောက်အအုံတွေနဲ့ ပတ်သတ်လို့ ဆောင်းပါးမှာ ဒေါ်သန်းမြင့်အောင်နဲ့ ကမ်ဘောဇ ဒုဥက္ကဌ အမျိုးသမီးနဲ့ အတူ လူအိုရုံမှာ လှူနေပုံလေး ထည့်ထားပေးတာပါ.. မေလ ၇ ရက်ဝန်းကျင်ကမှတ်တယ်။)
နောက်တော့ မကြာဘူး။။။
ကမ်ဘောဇဘဏ် က ၀န်ထမ်းတယောက်က ငါးထောင်တန် အတုလုပ်တာမိတယ်ဆိုပြီးဖြစ်တယ်။ ဘဏ်ကလည်း ဘဏ်နဲ့မဆိုင်ကြောင်း၊ တဦးတယောက်၏ လုပ်ဆောင်ချက်သာ ဖြစ်ကြောင်းဆိုပြီး ဖြစ်တယ်။ ဒါနဲ့ပဲ သုံးလေးရက်နေတော့ လူတွေက မေ့သွားကြတယ်။ သတင်းတွေက ဖြစ်ပျက်တာ မြန်လွန်းနေတာကို။

ကိုယ်ကတော့ အမှတ်မထင်ဆက်တွေးမိတယ်။ ဒီနေ့ပဲ တရုတ်နယ်စပ်မှာ ပိုက်ဆံတုတွေ မိတယ်ဆိုပြီး။ နောက်စမ်းချောင်းဖက်မှာ ပိုက်ဆံ တစ်သောင်းတန် အတုတွေ တွေ့တယ်ဆိုပြီး။ အဲ့ဒီတော့ ဘဏ်တွေမှာလည်း အတုတွေ့ရင် တခါတည်း ဖောက်စက်နဲ့ ဖောက်ပလိုက်တယ်လို့ဆိုတယ်။
ဆင့်ကဲ ဆင့်ကဲ ဖြစ်လာတဲ့ အပေါ်လူတွေကလည်း တဖြည်းဖြည်းစိုးရိမ်လာကြတယ်။ တနေ့ တသောင်းရဖို့ ငါးထောင်ရဖို့ဆိုတာ လွယ်တာမှတ်လို့။ အဖောက်ခံရ၊ အတုဆိုပြီး ကိုယ့်လက်ထဲပြဿနာဖြစ်ရင် ဘယ်လို လုပ်မလဲတွေးမိလာမှာပဲ။
တော်ကြာ တရားမ၀င်ကြေငြာရင် ဘယ်လိုလုပ်မလဲ။ အဲ့ဒီတော့ ခင်ဗျားဆို ဘာလုပ်မလဲ။ တတ်နိုင်သမျှ မထုတ်ပဲ စုထားတော့မှာပဲ။ တော်ကြာ မတော်တဆ လက်ထဲထားလို့ တခုခုဖြစ် ဘယ်နှယ့်နေမတုန်း တွေးမိမှာပဲ။
ဘဏ်မှာပဲ ပြန်စုထားတော့ ဘဏ်တွေက အေးဆေးပဲပေါ့။ ကိုယ်တွေ စုတဲ့ ပိုက်ဆံလေးတွေ အချင်းချင်း လှည့်ပတ်ချေးပြီး စီးပွားလုပ်နေကြတာ။ ပြည်သူတွေကိုတော့ ချေးရခက်အောင် လုပ်ထားကြတာ။ တော်ကြ တတ်ကြပါပေ့တော်တို့ရယ်။

07 June 2016

လယ်သမားတွေ က ဘာလို့ ကြွေးတင်ကြသလဲ

၂၀၁၆ ခုနှစ် အစိုးရသစ်တက်လာပြီးနောက်ပိုင်းမှာ ရွေးကောက်ပွဲဝင်စဉ်ကကြေငြာထားတဲ့ ပါတီ မူဝါဒအတိုင်း ၀န်ကြီးဌာန အချို့ကိုပေါင်းစည်းမှုကို ပြုလုပ်ခဲ့ပါတယ်။ စိုက်ပျိုးရေးနှင့်ဆည်မြောင်းဝန်ကြီးဌာန၊ မွေးမြူရေး၊ ရေလုပ်ငန်းနှင့် ကျေးလက်ဖွံ့ဖြိုးရေးဝန်ကြီးဌာန နှင့် သမ၀ါယမ ၀န်ကြီးဌာတို့ကို တစ်ခုအဖြစ်ပဲ ပေါင်းစည်းခဲ့ပါတယ်။ ၀န်ကြီးကတော့ တက္ကသိုလ် ပါချုပ်ဟောင်းဖြစ်သူ ဦးအောင်သူဖြစ်ပြီးတော့၊ တစ်လ ခွဲခန့်အကြာမှာ ဒုဝန်ကြီးအဖြစ် ဒေါက်တာထွန်းဝင်းကို ခန့်အပ်ခဲ့ပါတယ်။

မြန်မာ့နိုင်ငံရေး ပြက္ခဒိန်အရ၊ မတ်လ မှ အစိုးရသစ်က စတင်တာဝန်ယူရပြီး ဧပြီလဟာ သင်္ကြန်ဖြစ်ပြီးတော့ မေလ မှာတော့ နိုင်ငံ့လူဦးရေ၏ ၆၆% က မှီခိုနေထိုင်စားသောက်နေတဲ့ လယ်ယာစိုက်ပျိုးရေး လုပ်ငန်းရာသီ ပြန်လည်စတင်ဖို့ အစပျိုးချိန်ဖြစ်ပါတယ်။

ယခုလည်း လယ်သမားများအတွက် အမတော်ကြေး တိုးမြှင့်ပေးဖို့ကိစ္စကို ဆွေးနွေးကြပါတယ်။ ပြီးခဲ့တဲ့ အစိုးရ လက်ထက်မှာလည်း စပါး၊ အခြားသီးနှံ၊ စက်မှု သီးနှံ အမျိုးမျိုးခွဲခြားပြီး မူဝါဒအလိုက် တိုးမြှင့်ပေးခဲ့တာကို တွေ့ရှိခဲ့ရပါတယ်။
အမတော်ကြေးကို တိုးမြှင့်ပေးမယ့်အကြောင်း လွှတ်တော်မှာ အဆိုပြုဆွေးနွေးကြပါတယ်။(..................)။
တိုးမြှင့်ချေးမယ်ဆိုမယ်ရင် ဘယ်လောက်ကုန်မယ်၊ ဘယ်လို ငွေကိုစုဆောင်းရှာဖွေရမလဲ၊ ဘယ်လို အကျိုးသက်ရောက်မှုတွေရှိနေမလဲ စသဖြင့် ဆွေးနွေးကြပါတယ်။
အဲ့ဒီမှာပဲ အတော် လှုပ်ခတ်သွားတဲ့ သတင်းတစ်ခုဖြစ်လာပါတယ်။ ၀န်ကြီး အသစ်ဖြစ်သူ ဦးအောင်သူ က လယ်သမားတွေက ပျင်းတယ် အလုပ်မကြိုးစားဘူး၊ ကြွေးပဲ ယူချင်ကြတယ် ဆိုပြီး ပြောတယ်ဆိုပြီး ဖြစ်လာပါတယ်။ တကယ်ပဲ ပြောခဲ့လေသလား၊ သတင်း ဖြစ်အောင် လုပ်ခံရသလားတော့ မသိပါဘူး။

ဒါပေမယ့် မြန်မာ့ လယ်ယာစိုက်ပျိုးရေးကဏ္ဍဟာ နိုင်ငံ့ရဲ့ သုံးပုံနှစ်ပုံ လူဦးရေ မှီခိုနေသည်ဆိုသော်လည်းပဲ လွန်ခဲ့သော နှစ် ၅၀ ကျော် ၁၀၀ ကျော် က အခြေအနေ နဲ့ ကွာခြားလာပါရဲ့လား။ အခြေခံ လူတန်းစားဖြစ်တဲ့ လယ်သမားတွေ ကို ကျေးဇူးရှင်တွေဆိုပြီး တကယ် ကျေးဇူးတင်ခံရပြီး ကျေးဇူးဆပ်ခံရပါရဲ့လား။ စသဖြင့်တွေးမိရင်းနဲ့ပဲ လွန်ခဲ့သော သုံးနှစ်ခန့်က ဖတ်ဖြစ်ခဲ့တဲ့ မောင်ထင်ရဲ့စာအုပ်ကို ပြန်သတိရမိပြီး ရှာဖတ်ဖို့ကြိုးစားတယ်။ ကြွေးတင်ရခြင်း အကြောင်းရင်းလေး က အခု ခေတ်နဲ့ ကွာခြားနေပြီလား၊ တူတူပဲရှိနေတုန်းလား အရင်သိချင်သွားမိတယ်။
ယခုကောက်နှုတ်ချက်ကတော့ ၁၉၂၅ ခုက လုပ်ခဲ့တာပါတဲ့။


" ဦးတင်ကြီး၏ စုံစမ်းချက်အရ မအူပင်ခရိုင် တစ်အိမ်ထောင်လျှင် အနည်းဆုံး ၁၈၂ကျပ် နှင့် အများဆုံး ၅၂၈ကျပ် ကြွေးတင်လျက်ရှိသည်ကိုတွေ့ရသည်။ ကြွေးတင်ခြင်း၏ အကြောင်းရင်းကို ဦးတင်ကြီးက ဆက်လက်စုံစမ်းပြန်သော် အောက်ပါအတိုင်းတွေ့ရပြန်သည်။
၁။ လယ်ဝယ်ခြင်း၊ လယ်ပေါင်ကို ပြန်လည်ရွေးခြင်းတို့ကြောင့် ကြွေးတင်သူ ၁၉%
၂။ လယ်ကိုပြုပြင်ခြင်းကြောင့်ကြွေးတင်သူ ၂%
၃။ ကျွဲနွားဝယ်ရခြင်းကြောင့် ကြွေးတင်သူ ၂%
၎။ လယ်အတွက် အရင်းဝင်၍ အကြွေးတင်သူ ၄%
၅။ အခြား ကုန်ရောင်းကုန်ဝယ်ကိစ္စအတွက် အရင်းဝင်၍ ကြွေးတင်သူ ၃%
၆။ အလှူအတန်းကြောင့်ကြွေးတင်သူ ၁%
၇။ လယ်ယာစိုက်ပျိုးရေး၊ အလုပ်ပျက်ပြား၍ ကြွေးတင်သူ ၁၉%
၈။ ဖျားနာ၍ တရားတပေါင်တွေ့ရ၍ အခြားကုသိုလ်ကံ အခြေမလှသော အကြောင်းတို့ကြောင့် ကြွေးတင်သူ ၂%
၉။ မဆပ်နိုင်သော ကြွေးမြီအပေါ်တွင် အတိုးပေးရ၍ ကြွေးတင်သူ ၂%
၁၀။ အခြားအမျိုးအမည် မခွဲခြားနိုင်သော အကြောင်းတို့ကြောင့် ကြွေးတင်သူ ၃၆%"
မြန်မာ့ လယ်ယာမြေစနစ်၊ မောင်ထင် 

အခုခေတ်မှာလည်း ကြွေးတင်ဆဲပါပဲ၊ ဘာအကြောင်း ကြောင့်တွေများပါလာလိမ့်နော်။ 


22 April 2016

ငါးလေးတစ်ကောင်ဖမ်းမိတယ်နဲ့ ရောက်တတ်ရာရာများ ၁



မင်းလူရဲ့ပရိတ်သတ်တွေက မင်းလူပေါင်းချုပ်ထွက်လာတော့ သူ့အကြောင်း၊ သူ့စာတွေအကြောင်း ပြောကြ လွမ်းကြ ရေးကြတာတွေ facebook ပေါ်မှာ မြင်ရ ဖတ်ရတယ်။ တချိန်တည်းမှာပဲ လွန်ခဲ့တဲ့ ဆယ်နှစ်လောက်က ဖတ်ခဲ့ရတဲ့ သူ့စာတွေကိုလည်း သတိတရရှိမိတယ်။ အကြောင်းတိုက်ဆိုင်တိုင်းလည်း ခဏခဏ ပြန်သတိရမိတဲ့ သူ့ဝတ္ထုတွေတိုကတော့ “ငါးကလေးတစ်ကောင်ဖမ်းမိတယ်” “ဖူးစာရှင်ကိုရွေးတော့မည်” “ခြေ စစ်ပွဲများ” စသဖြင့်ပေါ့လေ။
အဲ့ဒီအထဲကမှ ငါးကလေးတစ်ကောင်ဖမ်းမိတယ် လေးနဲ့ပတ်သတ်တာလေးပြောချင်တာ။
၂၀၀၈ ခုနှစ် နာဂစ်တိုက်အပြီးမှာ ကျမလည်း စေတနာ့ဝန်ထမ်း လုပ်ရင်းနဲ့က အဖွဲ့အစည်းတစ်ခုမှာ အလုပ်ဝင်လုပ်ဖြစ်တယ်။ ရုံးကတော့ ဖျာပုံမှာပဲ ထိုင်ရတာပေါ့။ နာဂစ်အပြီးကာလ ကတော့ ဝေခြမ်းရေးတွေ၊ အရေးပေါ်လိုအပ်နေတဲ့ နေ့စဉ်သုံး မရှိမဖြစ်တွေ ခွဲဝေ ပေးတာတွေလုပ်ကြတယ်။ နည်းနည်းလေးကြာလာတဲ့အခါမှာတော့ ဈေးကွက်ထဲမှာ ငွေလည်လာအောင်လို့ ရေကန်ဖော်လုပ်ငန်း၊ ကျေးရွာချင်းဆက်လမ်းတွေဖောက်ခြင်းများလုပ်ကြရတယ်။ အဲ့ဒီမှာ ရွာသားတွေကို အလုပ်ခိုင်း၊ နေ့တွက် လုပ်ခရှင်းပေးတာမျိုးတွေပေါ့။ နောက်တော့ ဆက်တိုက်လုပ်လာတာက အသက်မွေးဝမ်းကြောင်း လုပ်ငန်းများအတွက် လိုအပ်သော ပစ္စည်းကိရိယာများ ထောက်ပံ့ပေးခြင်းများဖြစ်ပါတယ်။ ငါးဖမ်းလှေ အသေး၊ လယ်လုပ်သူများအတွက် မြေသြဇာ၊ မျိုးစပါး၊ အိမ်လုပ်ငန်းများအတွက် အပ်ချုပ်စက် စသဖြင့်ပေါ့လေ။ အဲ့ဒီလို လုပ်တဲ့အခါမှာ ကျမ အလုပ်လုပ်တဲ့ ပြည်တွင်း အရပ်ဖက်အဖွဲ့အစည်းက နိုင်ငံတကာအဖွဲ့အစည်းမှာ လုပ်ငန်းစီမံချက်တင်ပြီး ရတာကို လုပ်ကြတာပေါ့။ အဲ့ဒီမှာ လုပ်နေရင်းနဲ့ တရက်မှာတော့ နိုင်ငံတကာ အဖွဲ့အစည်းတခုက ဆက်သွယ်လာတယ်။ သူတို့ဆီမှာ ငါးလုပ်ငန်း အသေးစား လုပ်ကိုင်နေသူတွေအတွက် ပစ္စည်းတွေ ထောက်ပံ့ဖို့ ရှိတယ်။ အကုန်ရှိနေပြီ ပစ္စည်းတွေ၊ ဝေခြမ်းရေးကို လုပ်ပေးနိုင်မလားဆိုပြီး ဆက်သွယ်လာတယ်။ ဝေခြမ်းပေးခ ပွဲစားခရတာပေါ့ ကိုယ့်အဖွဲ့အစည်းကတော့။ အသေးစား ငါးလုပ်ငန်း လုပ်ကိုင်နေတဲ့ အိမ်ထောင်စုတွေ၊ ဘယ်လိုဧရိယာတွေမှာနေထိုင်ကြတယ်၊ လူဦးရေ အချိုးအစားဘယ်လိုရှိတယ်၊ ၀င်ငွေ အခြေအနေ ဘယ်ရွေ့ဘယ်မျှရှိတယ်ဆိုတဲ့ အချက်အလက်တွေစုဆောင်း၊ အလိုအပ်ဆုံးလူကို ဘယ်လိုရွေးမယ်ဆိုတဲ့နည်းနာတွေ ဆွေးနွေး ညှိနှိုင်းတိုင်ပင်တာတွေ လုပ်ကြတာပေါ့။
တကယ်လုပ်မယ်ဆိုတဲ့အချိန်ရောက်တော့ ထောက်ပံ့ပေးမယ်ဆိုတဲ့အဖွဲ့ရဲ့ ပို့ပေးလာတဲ့ ကိရိယာအစုံဘူးများ က အလျှံအပယ်ဖြစ်တဲ့အပြင် ပြောလာတာက ဘယ်လိုပဲပေးပေးရတယ်၊ ကုန်သွားဖို့ရယ်၊ လက်ခံရရှိကြောင်းလေးတွေရယ် လုပ်ပေးဖို့ပဲလို့ဆိုလာတယ်။ ကိုယ်တွေကတော့ အဖွဲ့အစည်းရဲ့ လုပ်ထုံးလုပ်နည်းတွေအတိုင်းဆောင်ရွက်ကြပါတယ်။ ဧရိယာ အတော်များများကိုလည်း ရှိနေပြီးသား လုပ်ငန်းစီမံချက်တွေ အရ ရောက်နေပြီးသားဖြစ်လေတော့ အချက်အလက်ရှိနေတဲ့အပေါ်မှာ အခြေခံပြီး ဝေခြမ်းရေးအတွက် လုပ်ကြပါတယ်။ ဒီလိုနဲ့ပစ္စည်းတွေရောက်လာတော့ ဝေခြမ်းရေးစတင်ပါတော့တယ်။
တရက်မှာတော့ ရွာတစ်ရွာက ပစ္စည်းလာထုတ်ပါတယ်။ လာထုတ်ချိန်မှာ ဘူးတစ်ဘူးကိုဖွင့်ကြည်တော့ ရွာသားက “စုံလိုက်တာဗျာ… ဘာငါးမှ ကျန်မှာမဟုတ်ဘူး..” ဆိုပြီးပြောပါတယ်။ ငါးမျှားချိတ်လေးတွေ ဆိုဒ်စုံပါဝင်တာပါ။ သူတို့ဖမ်းတဲ့နည်းနဲ့ ဒီလိုကိရိယာတွေကို လူအတော်များများ သုံးနိုင်နေပြီဆိုရင် ကုန်မှာပဲဆိုပြီးပြောပါတယ်။
ငါးလုပ်ငန်းဦးစီးဌာန ကတော့ ငါးသားပေါက်ချိန် ဘယ်ချိန်မှာ မဖမ်းရဘူး၊ ဘယ်ပိုက်နဲ့ ဖမ်းရမယ် စသဖြင့်တော့ စည်းကမ်းချက်တွေထုတ်ထားပါတယ်။
ဆိုလိုချင်ကတော့ အကူအညီပေးတဲ့ အဖွဲ့အစည်းတွေက ဒေသအခြေအနေတွေ၊ အနေအထားတွေကို သေချာ စူးစမ်းလေ့လာ၊ တွေ့ဆုံတိုင်ပင်ပြီးမှသာ လုပ်သင့်ပါတယ်။
အဲ့လိုမှ မဟုတ်ရင် မင်းလူရဲ့ “ငါးလေးတစ်ကောင် ဖမ်းမိတယ်” ၀တ္ထုထဲကလိုဖြစ်သွားနိုင်ကြောင်းပါ။ ၀တ္ထုကတော့ ငါးတွေရှားပါးလာလို့ ငါးဖမ်းပွဲကျင်းပပြီး အသိပညာပေးတာတွေလုပ်ရတယ်။ ငါး ဖမ်းတာကို တကယ့်ကိုအဆင့်မြင့်နည်းပညာတွေသုံးပြီး ငါးတစ်ကောင်ကို ဖမ်းကြတယ်။ မိသွားတဲ့သူက သုံးနှစ်ဆက်တိုက် သူပဲမိတာ။ ဒိုင်းဆုက သူရတာပေါ့။ TV ကနေ Live လွှင့်နေပြီး သူ့သင်္ဘောပေါ်ကို ရဟတ်ယာဉ်ပေါ်ကနေ ရိုက်ပြ။ အဲ့ဒီအချိန်မှာပဲ အိမ်က သားနဲ့ မိန်းမ ကလည်း လှမ်းပြီး ဂုဏ်ပြုတာပေါ့။ တလက်စတည်းမှာပဲ ကလေးက မေးတယ်။ ဖေဖေ အဲ့ဒီဖမ်းမိတဲ့ငါးကို အိမ်ယူလာလို့ရလားတဲ့။ သားစားဖူးကြည့်ချင်လို့တဲ့….။

05 January 2016

ပျင်းလွန်းလို့....

လုပ်နေကျ အလုပ်ကို..... ခဏလေး နားလိုက်တော့
ဟုတ်သလိုလိုနဲ့....  တကယ်တော့ မဟုတ်ဘူး..။
ပျင်းလိုက်တာ....မှ
ပျင်းတာကို ပျင်းတယ်ပြောရမှာတောင် ပျင်းတယ်ဆိုသလိုပဲ...
ဒီလိုနဲ့ပဲ အတွေးက ဆက်သွားလိုက်တာ....
ဘာလုပ်ချင် ညာလုပ်ချင်ဆိုတဲ့ ဘ၀ရည်မှန်းချက်ကြီးတွေကို ရောက်သွားရော...။
အဲ့တာနဲ့ ညီမ၀မ်းကွဲလေး ငယ်ငယ်ကပြောတာ သတိရမိပြီး ပြုံးမိတယ်။
သူတို့မောင်နှမနှစ်ယောက်.. ဇော်ဇော်အောင်က အကြီး.. ပပ က အငယ်မ။
ဇော်ဇော် ကြီးလာရင် ဘာလုပ်မလဲ ဆိုပြီး အဖေ က ကိုယ်တွေ့ရှေ့မှ မေးပြတယ်။
ကလေးက ဆရာဝန် အင်ဂျင်နီယာ စသဖြင့်ပြောတာပေါ့....။
အဲ့တာနဲ့ ကိုယ်က ပပ.. သမီး ကရောဆိုတော့...
ဘာမှ မလုပ်ဘူးတဲ့...။ ကိုယ်ကလည်း အံ့သြသွားတယ်..။ မိုက်လှချည်လားပေါ့..
ဒါနဲ့ ဆက်မေးတယ်... ဒါဆို ကြီးလာရင် ဘယ်လိုလုပ် ထမင်းစားမလဲဆိုတော့..
ကိုကို က အလုပ် လုပ်လိမ့်မယ်တဲ့.. ကိုကို ကျွေးလိမ့်မယ်တဲ့...
ကောင်းရော။

14 February 2014

14 Feb 2014



အချစ်ရေ
ပျော်သလို နေလို့မရတဲ့ လောကကြီးထဲ
နေပျော်ရဲ့လား။
ထမင်းစား ၀င်ပြီး အိပ်ပျော်ဖို့ပဲ
ဆုတောင်းနေရတယ်ဆိုရင်
ဘ၀ ကို ပိုမိုနားလည်တတ်လာပြီ လို့
လက်ခံလိုက်တယ်။
ချစ်တို့ နေထိုင်ရာ လောကကြီးက
ကိုယ်ကောင်းရင် ခေါင်းမရွေ့ဘူးတို့
ဝီရိယ ထားရင် အောင်မြင်တယ်ဆိုတာတို့
မမှန်တော့ဘူး… အချိန်တိုင်းပြောပါတယ်လေ။
လိုက်လျော ညီထွေစွာ နေတတ်ဖို့
ကြိုးစားရင်းနဲ့ပဲ
ကိုယ့်ကိုကိုယ်လေးစားမှု လျော့ကျလာတယ်။ 
ကြိုးစားပေမယ့်လည်း
ပေတံက adjust လုပ်လို့မရဘူးဖြစ်နေတယ်။  

10 February 2014

အချစ်ဆုံးသို့ ပေးစာ (၄)

ဒီနေ့ ဆရာ ကျော်ဝင်း စာအုပ် ၂၀၁၃ (လေးသံ မြားသံ နားစွင့်ရင်း) ၀ယ်ဖြစ်တယ်။ စာအုပ် ကတော့ ဖတ် ဖတ် မဖတ်ဖတ် ၀ယ်တယ်..။ အရင် ကတော့ အချစ်ကို ဖတ်ဖို့အရင်ပေးလိုက်တယ်။ အခုတော့ နာမည်ထိုးရင် သတိရမိတယ်..။ လွမ်းတယ်ဆိုရင် ပိုမှန်မလား။
တကယ်တော့ ကိုဖတ်ပြီးသားတွေ ဖြစ်မှာပါ..။၂၀၁၃ မှာ ရေးခဲ့တဲ့ ဆောင်းပါးတွေ ပြန်စုပြီး ထုတ်ဝေလိုက်တာလေ။ သုတေသီ တစ်ယောက်အတွက်တော့ စုထားသင့်တဲ့ စာအုပ်ပဲလေ။ ထားပါတော့လေ... ရုံးပိတ်ရက်လေး နေမျိုး ရဲ့ မ၀င်းမေ ဖတ်ရင်း ကဗျာ တစ်ပုဒ်မှာ အချစ်ကို သတိရမိ လို့ ကူးရေးမိတယ်..။ ဖတ်ကြည့်အုံး။


သတိရခြင်း
ဖတ်ပြီးသား မဂ္ဂဇင်းတွေ
ပြန်ဖတ်မယ်
ကြည့်ပြီးသား မင်းဓါတ်ပုံကို
ပြန်ကြည့်မယ်
အလွမ်းဟာ စက်ဝိုင်းတလျှောက်
ဒီနေရာကိုပဲ ပြန်ရောက်ရဲ့
လေတိုက်ခတ်နေပုံဟာ ဟိုအရင်
ဆယ်နှစ်ကျော်ကလိုပဲ
ခံစားချက် ကင်းမဲ့သူကို
အဓိပ္ပါယ်မဲ့စေသလို
ခံစားတတ်သူတွေကို
ဆွတ်ပျံ့ လှိုက်မောစေခဲ့
ငါရှုံးခဲ့တယ်
ငါရှုံးခဲ့တဲ့ အရှုံးကို ပြန်နွှေးမယ်
နွေးလာရင် ညစာ စားမယ်
အသံတွေ အားလုံး
တိတ်ဆိတ်သွားရင်လေ
ငါတို့ အတူ မော့ကြည့်ဖူးတဲ့
လမင်းကို မော့ကြည့်မယ်
ငါတစ်ယောက်တည်း။ 
နေမျိုး
၂၀၀၃၊ ၃၊ ၂၇
(မ၀င်းမေ စာအုပ်မှ) 


04 February 2014

အချစ်ဆုံး သို့ပေးစာ (၃)

အချစ်ရေ
နေကောင်းရဲ့လား လို့ မမေးချင်ဘူး
နေမကောင်းဘူးဆိုလည်း ကိုယ် ဘာမှ လုပ်ပေးလို့မရဘူးလေ

နေ့တိုင်း လုပ်ဖို့ အလုပ်တစ်ခု ရှိနေပြီး
အဲ့ဒီ အလုပ်မှာ စိတ်ဝင်စားတယ် ဆိုရင်
အချစ်ဘ၀ က သာယာနေမှာပဲလေ

တကယ်တော့ အချစ်ရေ
လူတွေ အထင်ကြီးနေတဲ့ ချစ်ဘ၀ က
ကြိုးစားရင်းနဲ့ တန်ဖိုးထားရတဲ့ အရာ တချို့ကို
လက်လွှတ်လိုက်ရတာ တန်ရဲ့လားလို့
analysis လုပ်ကြည့်ဖို့တောင် အားမရှိဘူး

ဘာပဲပြောပြော
မင်းတစ်ယောက် နေကောင်း ကျန်းမာ
ပျော်ရွှင်ပါစေလို့တော့
သတိရမိတိုင်း ဆုတောင်းနေဆဲပါပဲ။